လေပြင်းကထန်ထန်တိုက်
သစ်ရွက်တွေမြေမှာကျဲ
တကွဲတပြားစီနဲ့
တောကြောင်တွေကလက်ခမောင်းခက်
ပြောင်လက်လက်ဓါးသွားလို
မှုံရိုနေတဲ့ဒီတော
ဝါးနဲ့သစ် စစ်ဖြစ်ကာနွှဲ
မီးစစွဲလို့တောကိုလောင်
မိုးယံမှာမှောင်မိုက်ဖယ်
ကြမ္မာငယ်တဲ့ဒီတော
မီးအသောနဲ့နိဌာရုံ
ဟိုနားကတစ်ခါမြိုက်
သည်နားကတစ်ခါလောင်
တောနေသတ္တဝါတွေတောင်
မျက်မှောင်ကုတ်တုန်လှုပ်နေရ
တောင်စဉ်ကကျတဲ့ရေတံခွန်က
ရပ်တန့်ရတော့မလို
အို--သည်မီး
ဒီတောကိုလောင်တဲ့မီးရယ်
ဒီတောကိုမျက်နှာငယ်စေချင်တာလား
ကံတရားနဲ့ဖန်ဆရာများ
တောသူတောင်သား
တစ်သားတည်းကျပါစေကွာ။။
လေးစားလျှက်
ရင်ခုန်ရသူ(2.4.2013)
No comments:
Post a Comment