ဟိုး...အရင်က အဖေနဲ့ ကျွန်တော်

ဟိုး.....အရင်က အဖေနဲ့ ကျွန်တော်
အပျော်တွေနဲ့ လက်တွဲခဲ့ကြဖူးတယ်
ခက်ခဲမှုဆိုတာတွေကို
နက်နဲမှုထူထည် မေတ္တာတွေခြယ်ပြီး
ချစ်စဖွယ်အပြုံးနဲ့  ကျော်ဖြတ်ခဲ့တယ်...

တနေ့ မှာပေါ့
ဆည်းဆာရောင်ဖျော့ဖျော့ညနေခင်း
အဖေ သီချင်းလေးညည်းပြတယ်..
လူတွေရဲ့သဘော တိမ်တွေလိုမျောရင်း
ခြေချင်းလိမ်နေတဲ့မာယာသမုဒ်
ဟန်လုပ်ပြီး ပြုံးတတ်ကြတယ်..
သားရေ....
လူတွေဘယ်လို အရောင်ဆိုးဆိုး
တန်ဖိုးမလျော့အောင်နေတတ်ရတယ်..
လူရဲ့တန်ဖိုး...အဖေဘယ်လို စံထိုးသလဲ..
ဆင်းရဲနဲ့ ချမ်းသာ ဖန်လာတာ ကံတရား
ပါစပ်မှာဘုရား လက်က အဂတိများသူ
တန်ဖိုးရှိသူမဆိုဘူးသား....

သူသူငါငါ လူတကာပေါ်
ကောက်ကျစ်ကင်းကွာ ရိုးသားစွာနဲ့ 
ဖေးမကူညီ ဖြူသည်စိတ်ထား
ထိုသူအား တန်ဖိုးရှိသူခေါ်တယ်သား...

အဖေဆိုပြဖူးတဲ့သီချင်း
ညနေခင်းတိုင်မှာ ကြားယောင်
ညအမှောင်မှာ ကိုယ်တိုင်ညည်းလို့ 
မျက်ရည်တွေ့  စို့ ခဲ့ရတယ်....

ဟိုး....အရင်က အဖေနဲ့  ကျွန်တော်
လက်တွဲကာ အဖေခေါ်တော့
အဖေ့ကိုမော့လို့ ကြည့်မိတယ်...
အဖေ...ဖြစ်စေချင်တာတွေကို
ပုံပြင်တွေလိုပြော သူမမောခဲ့ရှာဘူး....

အဖေ့မျက်ဝန်းတွေညိုလာတယ်
ညိုရာကတဖြေးဖြေးမဲလို့ ...
အဖေမျက်ရည်တစ်ခါစို့ ခဲ့တယ်..
သူသိနေတယ်တဲ့ ...

သား..အဖေတို့  ဆည်းဆာအတူကြည့်ခဲ့တာ
မှတ်မိသေးလားသား...
အဖေ့စကားအဆုံး..ကျနော် မျက်လုံးလေးမှိတ်
ခေါင်းညိတ်ပြုံးပြခဲ့တယ်....
အဖေးကျေနပ်စွားပြုံးအပြီး
တိမ်မဲကြီးတွေ မြေပေါ်ကျ
အဲဒီညက အဖေနဲ့ ကျွန်တော်
စကားသံတွေ နောက်ဆုံးအနေနဲ့ 
အိပ်ပျော်ခဲ့ကြတယ်...

ဟိုး...အရင်ကအဖေနဲ့ ကျွန်တော်
အပျော်တွေနဲ့ လက်တွဲခဲ့ကြဖူးတယ်......